ميمز الانمي الاوتاكو فقط سيفهمون نبدا بالصلاة على النبي صلى الله عليه وسلم 💕💖 تمام يا جماعه انا هتكللم شويه عن انمي ناروتو ❤❤ في البدايه ك معظم افراد الجروب انا عرفت الانمي من سبيستون كنت ساعتها بتفرج علي وان بيس وهانتر و البوساء و انا و اخي و القائمه تطول ف كفايه اني اقول دول بس مكنتش حابب ناروتو. (اللقطه ال فأول و اخر الحلقه بتاعت كونان لما الباب بيتقفل كانت بتموتني من الرعب اكتر حتي من افلام الرعب نفسها ال مكنتش بخاف منها) 😂😂😂😂 و مقايس الحب للانمي ساعتها عندي كان ال اغنيته احسن ف انتو المفروض فهمتو ان هانتر كان الافضل عندي ساعتها بصوت رشا رزق نادر الجمال ومحبتش ناروتو عشان مكنش عندو اغنيه اصلا *سمحوني علي التفكير العقيم اصل كنت صغير * لغايه ما كنت في مره في المدرسه وبتكلم مع صحبي علي سبيستون قالي اتفرج علي ناروتو جميل جدا ف قلت اديه فرصه، لتبدأ رحله اعظم حاجه شاهدتها عيناي علي الشاشه الصغيره . بدات اتفرج من علي سبيستون ولما اتعلقت ب الانمي شويه ب شويه معنتش بقدر استحمل حلقه واحده في اليوم ...
